„Ако имате партитократија, како што се случува во ваквите општества, како што е и нашиот случај, каде што партијата преку мнозинскиот пратенички состав контролира, реално, се, тогаш вие имате контрола од еден центар.
Проблемот е како да ги демократизирате политичките партии внатре, како нив да ги направите демократски политички структури, кои што нема на тој начин да ја злоупотребуваат сопствената партиска моќ. Тоа е централната болна точка на реформите во Македонија, реформите на политичките партии. Кај нас политичките партии се претворени во еден вид на, "султан партии", со висока и зголемена моќ на претседателот на партиите, на извршните тела на партиите и тие тешко се откажуваат од таквата командна моќ“- вели Ѓорѓи Спасов - поранешен министер за правда во интервјуто, дел од проектот „Детски болести на демократијата“ реализиран од АГТИС Прилеп.
